काठमाडाैं। भारतीय टोलीका पूर्वप्रशिक्षक रवि शास्त्रीले टेस्ट क्रिकेटको प्रवर्धन गर्न दुई दिवसीय प्रारुप र रेलिगेसनको प्रावधानमा ल्याउनुपर्ने धारणा राखेका छन् ।
मेलबर्नमा भएको चौथो टेस्टमा कीर्तिमानी दर्शकको उपस्थिति भए पनि शास्त्रीले बुधबार टेस्ट क्रिकेटलाई थप लोकप्रिय बनाउन यसको संरचनामा परिवर्तन गर्नुपर्ने माग राखेका हुन् । उनले रातो बलको क्रिकेटलाई प्रवर्धन गर्न र जीवन्त राख्न रेलिगेसनको प्रावधान पनि राख्नुपर्ने उल्लेख गरेका छन् ।
भारत र अस्ट्रेलियाबीचको चौथो टेस्टमा मेलबर्न क्रिकेट मैदानमा पाँच दिनसम्म कुल तीन लाख ७३ हजार ७९१ हजार दर्शक उपस्थित थिए । सन् १९३६÷३७ को एसेस शृंखलामा इङ्ल्यान्डसँगको टेस्टपछि मेलबर्नमा पहिलोपल्टमा धेरै दर्शक उपस्थित भएका हुन् । एसेसमा तीन लाख ५० हजार पाँच सय ३४ जना दर्शक उपस्थित थिए ।
डोनाल्ड ब्राडमेनको चर्चा रहेको त्यो एसेस ६ दिनसम्म खेलिएको थियो । अहिले टेस्ट क्रिकेट पाँच दिनसम्म खेलिने गरिन्छ । तर, मेलबर्नमा कीर्तिमानी समर्थक उपस्थिच भए पनि शास्त्रीले अब टेस्ट क्रिकेटलाई रोमाञ्चक बनाउन संरचना घटाउनुपर्ने धारणा राखेका हुन् ।
कमेन्टेटरसमेत रहेका शास्त्रीले टेस्ट क्रिकेट धेरै विज्ञापन पनि नआउने गरेको पनि उल्लेख गरेका छन् । ट्वान्टी–२० क्रिकेटको फ्रेन्चाइज लिगको लोकप्रियता बढिरहेको समयमा पाँच दिनको टेस्ट महŒव जोगाउन कठिन हुने उनको बुझाइ छ । उनले टेस्ट क्रिकेटबारे धारणा परिवर्तन गराउनु छ भने ठूलो टोलीबीच प्रतिस्पर्धा पनि आवश्यक रहेको बताएका छन् ।
