काठमाडौं। नेपाल इन्टरनेसनल च्यालेन्ज २०२४ मा मलेसियाले तीन विधामा उपाधि हात पारेको छ।
मलेसियाले पुरुष युगल, महिला युगल र मिक्स युगलतर्फको उपाधि उचालेको हो। पुरुष युगलतर्फ मलेसियाका लाउ यी शेंग र ली यी बोको जोडीले भारतका च्यानित जोशी र मायांक रानाको जोडीलाई २१–१४, २१–२३, २१–१७ ले पराजित गर्दै उपाधिमा आफ्नो नाम लेखाएका हुन्।
यस्तै, महिला युगलतर्फ किसोना सेल्भादुरे र याप रु चेनको जोडीले थाइल्यान्डका कोडचापोर्न चाइचाना र पन्नवी पोलियमको जोडीलाई २१–१३, २१–१४ र मिस्क युगलतर्फ लाउ यी शेङ्ग र याप रु चेनको जोडीले थाइल्यान्डका नोन्ताकोर्न थोङ्ग अन र कोड्चापोर्न चाईचानाको जोडीलाई २१–१८, २१–११ को अन्तरले पराजित गर्दै उपाधि कब्जा गरेका हुन्।
नेपाल ब्याडमिन्टन संघको आयोजनामा भएको च्यालेन्जको पुरुष एक तर्फ भारतका मेरादबा लुवाङ्ग मैसनामले भारतकै बीएम राहुल भारद्वाजको जोडीलाई २१–१७, २१–१६ ले पराजित गर्दै उपाधि उचाले।
महिला एकलतर्फ थाइल्यान्डकी ललिनरात चाइवानले उपाधि जितिन्। चाईवानले भारतकी इरा शर्मालाई २२–२०, २१–१२ ले पराजित गर्दै उपाधि जितेकी हुन्।
प्रत्येक विधाका बिजयी खेलाडीले नगद १२ सय डलर, ७२० डलर र ३ सय डलर प्राप्त गरे।विश्व ब्याडमिन्टन महासंघ र ब्याडमिन्टन एसियाको स्वीकृतिमा योनेक्स सनराईज नेपाल च्यालेन्ज २०२४ मा विश्वका ५ महादेशका नेपाल सहित २२ देशका १७४ खेलाडीहरूले प्रतिस्पर्धा गरेका थिए।
-1737460036.png)
