सुदूरपश्चिमसामु धरासायी बन्यो जनकपुर

काठमाडौं। सुदूरपश्चिम रोयल्सले दिएको १२४ रनको लक्ष्य पछ्याइरहेको जनकपुर बोल्ड्सको ब्याटिङ धरासायी बनेको छ।

कीर्तिपुरस्थित त्रिवि क्रिकेट मैदानमा जारी खेलमा जनकपुरले ३७ रन बनाउन नै ६ विकेट गुमाएको हो। जनकपुरले पहिलो पावर प्लेमै पाँच विकेट गुमाएको थियो।

ओपनर तथा कप्तान अनिलकुमार साह र मध्यक्रमका शुभ कांशाकारले खाता खोल्न सकेनन्। आसिफ शेख चार, लाहिरू मिलान्था सात, हर्ष ठाकर पाँच र जेमी निसम चार रनमा पभिलियन फर्किए।

यसक्रममा दीपेन्द्रसिंह ऐरी र इशान पाण्डेले समान दुई विकेट लिए। सैफ जैबको नाममा एक विकेट रह्यो।