काठमाडौं । विधान संशोधननको एजेण्डा सहित नेपाल ओलम्पिक कमिटिको कार्य समितिको बैठक आह्वान गरिएको छ । विधान अनुसार अध्यक्षको दुई कार्यकालको नियमलाई संशोधन गर्ने एजेण्डा सहित कार्य समितिको बैठक आह्वान गरिएको हो । महासचिव निलेन्द्रराज श्रेष्ठले मुख्यत विधान संधोन र स्वीकृतिको एजेण्डा राखेर बैठक बोलाएका छन् । बैठक आगामी सोमबार बिहान साढे ८ बजे सातदोबाटोस्थित एनओसी भवनमा बस्ने बताईएको छ ।
नेपाल ओलम्पिक कमिटि (एनओसी)को विधान अनुसार दुई कार्यकाल पुरा गरेका अध्यक्ष जीवनराम श्रेष्ठले पुन नेतृत्वमा बस्ने कसरत सहित विधान संशोधन गर्न चाहेका छन् । सोही अनुसार एनओसीको विधान संशोधन गरेर तेस्रो पटक नेतृत्व लिन श्रेष्ठले कसरत थालेका छन् । एनओसी अध्यक्षको दुई कार्यकाल रहने नियमलाई संशोधन गरेर वर्तमान नेतृत्वले हटाउने खोजेको छ । एनओसीको आसन्न नयाँ नेतृत्वका लागि हुने निर्वाचनमा जीवनराम अवैधानिक रुपमा विधान संशोधन गरेर तेस्रो पटक अध्यक्ष बन्ने दाउमा छन् ।
कमिटिभित्र सर्वसम्मत विधान संशोधनका लागि प्रयास गरेका जीवनराम असफल बनेपछि बहुमतका आधारमा विधान संशोधनको कसरत थालेका छन् । कमिटिभित्र कुनै एक ब्यक्तिको स्वार्थलाई लिएर विधान संशोधन गर्न नहुने मत समेत रहेको छ । तर बहुमतका आधारमा विधान संशोधन कार्यसमिति बैठकबाट पारित गराउने जीवनरामको तयारी छ । आफ्नो कार्यकालको विषयमा विधान संशोधनका लागि जीवनरामले आफु निकटका सम्पुर्ण सदस्यहरुसँग लगातार आन्तरिक छलफल गर्दै आएका थिए । तर वर्तमान कार्यसमितिकै केही सदस्यले चुनावको मुखमा विधान संशोधनको विषयले राष्ट्रिय तथा अन्तराष्ट्रिय रुपमा गलत सन्देश जाने भन्दै जीवनरामलाई सचेत गराएका थिए ।
एनओसीकै एक बोर्ड सदस्यले जीवनरामले संशोधन गर्न खोजेको कार्यकालको ब्यवस्था नेपालको प्रचलित खेलकुद ऐन र अन्तराष्ट्रिय मान्यता विपरित रहेको जानकारी गराएको बताए । बहुमतकै बलमा विधान संशोधन गरेर नेतृत्वमा टिक्ने कदमले ओलम्पिक मुभमेन्टमा गलत सन्देश भन्दै केही सदस्यले विरोध पनि गरेका छन् ।
विधान अनुसार एनओसीको वर्तमान कार्यसमितिको पदावधि करिब एक वर्ष अघिनै सकिएको थियो । तर कोभिड महामारी र पेरिस ओलम्पिकको कारण देखाउँदै वर्तमान कार्यसमितिको पदावधि एक वर्ष थपिएको थियो ।
‘नेपालको ऐन, कानुन र अन्तराष्ट्रिय प्रचलन विपरित चुनावको मुखमा विधान संशोधन गर्न खोजेर ओलम्पिक नेतृत्वले पुन खेलकुदमा द्धन्द निम्त्याउन खोजेको देखिन्छ । अध्यक्षको यो कदमले नेपालको ओलम्पिक अभियानलाईनै धक्का पुग्ने पक्का छ’ एक पदाधिकारीले भने ।
-1746117434.jpeg)
-1746111602.JPG)
-1746105523.JPG)
