वर्षाले नेपाललाई एक अंक

काठमाडौं। वर्षाका कारण खेल प्रभावित भएपछि आइसिसी विश्वकप लिग २ मा नेपाल र स्कटल्यान्डले अंक बाँडेका छन्।

नेपालले टस हारेर पहिला ब्याटिङ थालेको थियो। ६ ओभरमा २६ रन बनाएर १ विकेट झरेपछि वर्षा सुरु भएको थियो। वर्षा नरोकिएपि दुवै टोलीले अंक बाँडेका हुन्। योसँगै नेपालले अमेरिका भ्रमण सक्काएको छ। घरेलु टोलीसँग नेपाल तीन विकेट र ३७ रनले पराजित भएको थियो।

स्कटल्यान्डलाई भने पहिलो खेलमा पाँच विकेटले पाखा लगाएको थियो। यो नतिजापछि ११ खेलबाट स्कटल्यान्डले १४ अंक पुर्‍याएको छ। एक खेल बढी खेलेको नेपालको ६ अंक छ।