पथरी । कीर्तिपुर खुल्ला नकआउट फुटबल प्रतियोगिताको पहिलो चरणको अन्तिम खेलमा पथरीशनिश्चरेको सिरीजंगा स्पोटिङ्ग क्लब विजयी बनेको छ ।
शुक्रबारको खेलमा प्रभात सामुदायीक क्लबविरुद्ध ३–० गोल अन्तर जित निकाल्दै सिरीजंगाले क्वार्टरफाइनलको यात्रा तय गरेको छ ।
मोरङको पथरीशनिश्चरे ७ कीर्तिपुरमा भएको खेलमा सिरीजंगाका लागि सञ्जय धिमालले २ र निशान राईले १ गोल गरे ।
पहिलो हाफमा सञ्जयको गोल मार्फत अग्रता बनाएको सिरीजंगाकालागि दोश्रो हाफमा निशान र सञ्जयले गोल गरे । खेलको म्यान अफ दि म्याच दुई गोलकर्ता सञ्जय धिमाल घोषित भए ।
सोमबारबाट क्वाटरफाइनलका खेल हुनेछन् ।
पहिलो क्वाटरफाइनल खेल बसन्त युवा क्लब लेटाङ्ग र चाँदनी फुटवल क्लव उर्लावारीबीच हुनेछ । न्यु स्टार क्लवले आयोजना गरेको फुटवलको फाइनल कार्तिक ९ गते हुने छ ।
.jpg)
