युभेन्ट्सलाई पछ्याउदै नापोली

एजेन्सी । इटालियन सिरी 'ए' फुटबलमा नापोलीले जित निकालेको छ । आइतबार राति भएको खेलमा नापोलीले लाजियोलाई २ - १ गोल अन्तरले हराएको हो ।

घरेलु मैदानमा नापोलीलाई जित दिलाउन जोसे कालेजोन र एरिक मिलिकले एक एक गोल गरे  । लाजियोका सिरो इमोबाइलले एक गोल फर्काए  ।

१० खेलाडीमा सिमित लाजियोविरुद्ध खेलको ३४ औ मिनेटमा जोसेको गोलबाट नापोलीले अग्रता बनाएको थियो  । खेलको ३७ औ मिनेटमा एरिकले गोल गर्दै नापोलीलाई २-० को अग्रता दिलाए ।

दोस्रो हाफमा लाजियो खेलमा फर्कने कोशिस गर्यो  । खेलको ६५ औ मिनेटमा सिरोले गोल गर्दै खेल २ - १ मा ल्याए । तर, खेलको ७० औ मिनेटमा फ्रान्सिस्कोले दुई पहेलो कार्डसहित रातो कार्ड पाउदा लाजियो १० खेलाडीमा समेटियो । त्यसपछि लाजियो खेलमा फर्कन सकेन र खेल नापोलीले आफ्नो बनायो  ।

यो जितसंगै दोस्रो स्थानको नापोलीले २० खेलबाट ४७ अंक जोडेको छ । र, नापोलीले शीर्ष स्थानको युभेन्ट्सविरुद्धको अंक दुरी ६ अंकमा झारेको छ ।  एक खेल कम खेलेको युभेन्ट्सको ५३ अंक छ ।

जितपछि नापोली तेस्रो स्थानको इन्टर मिलानभन्दा ७ अंकले अघि छ । इन्टरको ४० अंक छ ।