क्यानडामाथि ओमानको विशाल जित

काठमाडौं। कप्तान अकीब इलियासको अलराउन्डर प्रदर्शनसँगै ओमानले क्यानडा ट्वान्टी–२० त्रिकोणात्मक सिरिजमा घरेलु टोलीमाथि विशाल जित हात पारेको छ।

मंगलबार बिहान सम्पन्न खेलमा ओमान आठ विकेटले विजयी भएको हो। क्यानडाले दिएको १०७ रनको लक्ष्य ओमानले १५ ओभरमा दुई विकेट गुमाउँदै पूरा गर्‍यो।

४६ बल खेलेका अकीबले ६ चौका र एक छक्का प्रहार गर्दै ५३ रन बनाए। शोएब खानले अविजित ३० र काश्यप प्रजापतीले १३ रनको योगदान दिए।