नेपाल प्रिमियर लिगका लागि मार्की खेलाडी सार्वजनिक

काठमाडौं। नेपाल क्रिकेट संघ (क्यान)ले नेपाल प्रिमियर लिगका लागि मार्की खेलाडी सार्वजनिक गरेको छ।

शुक्रबार क्यानले नोभेम्बर ३० देखि डिसेम्बर २१ सम्म हुने प्रतियोगिताका लागि मार्की खेलाडी सार्वजनिक गरेको हो।

नेपाली राष्ट्रिय टोलीका कप्तान रोहितकुमार पौडेलसहित दीपेन्द्रसिंह ऐरी, सन्दीप लामिछाने, सोमपाल कामी, करण के.सी, आसिफ सेख, कुशल भुर्तेल
र कुशल मल्ल मार्की खेलाडी रहनेछन्।