काठमाडौं । जिल्ला फुटबल संघ कैलाली र फ्रेन्चाईज फुटबल धनगढी एफसीले युथ एकेडेमी सञ्चालन गर्न सहकार्य गरेका छन् ।
आईतबार जिल्ला फुटबल संघ कैलालीका अध्यक्ष अनिल मल्ल र धनगढी एफसीका मालिक सुबास शाहीले युथ एकेडेमी निर्माण र सञ्चालन सम्बन्धि सम्झौता पत्रमा हस्ताक्षर गरेका छन् ।
सम्झौता अनुसार दुवै पक्षले फुटबल विकास, खेलाडीको क्षमता अभिवृद्धि र खेलाडीका लागि राष्ट्रिय तथा अन्तराष्ट्रिय अवसरको खोजी गर्न सहकार्य गर्ने बताएका छन् । साथै फ्रेन्चाईज फुटबल नेपाल सुपर लिगमा धनगढी एफसीमा समेत एकेडेमीका खेलाडीले अवसर प्राप्त गर्नेछन् ।
सुबास सुदूरपश्चिमका युवा व्यवासायी हुन् भने खेलकुदमार्फत पश्चिम नेपालको खेलकुदमा योगदान गर्दै आएका छन् । कुनै समय धनगढी प्रिमियर लिग डीपीएल जस्तै सफल फ्रेन्चाईज क्रिकेट सञ्चालन गरेका उनी अहिले फ्रेन्चाईज फुटबल प्रतियोगिता नेपाल सुपर लिगमा धनगढी एफसीमार्फत लगानी गर्दै आएका छन् ।
उनी सुदूरपश्चिमको क्रिकेट विकासको नयाँ सम्भावना मानिएको फाप्ला अन्तराष्ट्रिय क्रिकेट रंगशाला बनाउन नेतृत्व समेत गरिरहेका छन्, ड्रिम फाप्ला उनैको परिकल्पना हो । उनी सरकारले गठन गरेको फाप्ला अन्तराष्ट्रिय क्रिकेट मैदान एवम खेलग्राम पूर्वाधार निर्माण विकास समितिका अध्यक्ष समेत हुन् ।
पछिल्लो सम्झौताले कैलाली सहित पश्चिम नेपालमा युवा फुटबल खेलाडीको विकासमा सहयोग पुग्ने कैलाली जिल्ला फुटबल संघले जनाएको छ । सम्झौता अनुसार कात्तिक १ गतेदेखि मनकामना युवा क्लबको मैदानमा प्रशिक्षण सुरु हुनेछ ।
-1751297393.jpeg)
-1751282483.jpeg)
-1751282194.jpeg)
