अमेरिका शीर्ष स्थानमा कायमै

काठमाडौं। चीनलाई उछिन्दै अमेरिका पेरिस ओलम्पिक २०२४ को ११औं दिन पनि पदक तालिकामा शीर्ष स्थान कायमै रहेको छ।

अमेरिकाले २४ स्वर्ण, ३१ कांस्य र ३१ रजतसहित ८६ पदक जितेको छ। मंगलबार अमेरिकाले ३ स्वर्ण, १ कांस्य र ३ रजतसहित ५ पदक जितेको थियो।

चीन दोस्रो स्थानमा यथावत् छ। मंगलबार चीनले १ स्वर्ण, ३ कांस्य र २ रजत थपेको थियो। योसँगै चीनले ११औं दिनको समाप्तिमा २२ स्वर्ण, २१ कांस्य र १६ रजत जितेको छ। चीनसँग ५९ पदक छ।

यस्तै, आयोजक फ्रान्सलाई उछिन्दै अस्ट्रेलिया तेस्रो स्थानमा उक्लिएको छ। अस्ट्रेलियाले १४ स्वर्ण, १२ कांस्य र ९ रजत जितेको छ।

फ्रान्सले १३ स्वर्ण, १६ कांस्य र १९ रजतसहित ४८ पदक जितेको छ। फ्रान्सले मंगलबार एक पदक पनि थप्न सकेन।