बागमतीलाई सोझो सेटमा हराउँदै सुदूरपश्चिम तेस्रो 

काठमाडौं। सुदूरपश्चिम प्रदेशले प्रथम सहाना प्रधान स्मृति यु-१९ राष्ट्रिय महिला तथा पुरुष भलिबल प्रतियोगितामा तेस्रो स्थान हासिल गरेको छ।

त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा शनिबार सम्पन्न पुरुषतर्फ तेस्रो स्थानका लागि भएको खेलमा सुदूरपश्चिमले बागमती प्रदेशलाई ३-० को सोझो सेटमा पराजित गरेको हो।

सुदूरपश्चिमले सुरुआती दुई सेट २५-१९, २५-२३ ले आफ्नो पक्षमा पारेको थियो। तेस्रो सेट २५-२१ ले जित्दै सुदूरपश्चिम तेस्रो हुन सफल भयो।

सेमिफाइनलमा सुदूरपश्चिम गण्डकी तथा बागमती लुम्बिनी प्रदेशसँग पराजित भएका थिए।