काठमाडौं । काठमाडौं क्रिकेट एक्सिलेन्ट सेन्टरले एनसिसिएस महिला तथा पुरुष टी–२० क्रिकेट प्रतियोगिताको सेमिफाइनलमा प्रवेश गरेको छ ।
मूलपानी क्रिकेट मैदानमा बुधबार सम्पन्न खेलमा काठमाडौं क्रिकेट एक्सिलेन्ट सेन्टरले भक्तपुर क्रिकेट सेन्टरलाई ५ विकेट पराजित गर्दै अन्तिम चारमा स्थान पक्का गरेको हो ।
भक्तपुरले दिएको ९३ रनको लक्ष्य पछ्याएको काठमाडौंले १५.१ ओभरमा पाँच विकेट गुमाउँदै ९५ रन बनायो ।
काठमाडौंका सोनु देवकोटाले सर्वाधिक ३४ रन बनाए । दीपेन्द्र रावत २६ रनमा आउट हुँदा सूर्य तामाङ १२ रनमा अविजित रहे । भक्तपुरका विकास आग्री र अमर रौटेलाले २/२ विकेट लिए । दीपक बोहोराको नाममा भने १ विकेट रह्यो ।
त्यसअघि ब्याटिङ थालेको भक्तपुरले निर्धारित २० ओभरमा ९ विकेट गुमाउँदै ९२ रन बनायो । भक्तपुरका पुरुष थापाले सर्वाधिक ३५ रन बनाए । दीपक बोहरा ११ र विनोद तामाङ ८ रनमा आउट भए ।
काठमाडौंका सूर्य तामाङले सर्वाधिक ४ विकेट लिए । सोनु देवकोटाले १० रन खर्चिएर दुई विकेट लिँदा युनिशविक्रम सिंहको नाममा १ विकेट रह्यो ।
