काठमाडौं । राष्ट्रिय महिला क्रिकेट टिमकी कप्तान ईन्दु वर्माले विश्वकप क्रिकेटमा नेपालले राम्रो क्रिकेट खेल्ने विश्वास ब्यक्त गरेकी छिन् ।
खेलपाटीसँग विशेष कुराकानी गर्दै कप्तान वर्माले नेपालको पुरुष टिमले विश्वकपमा राम्रो क्रिकेट खेलेर फर्किने बताएकी हुन् ।
'सबै खेलाडीले आफ्नो भुमिकालाई राम्रोसँग निभाउनु भएको छ । प्रर्दशनपनि सोही अनुसार गर्नुहुन्छ भन्ने लाग्छ ।' उनले भनेकी छिन् ।
कप्तान वर्माले क्रिकेटमा कुनैपनि नतिजा निक्लिन सक्ने बताउँदै विश्वकप अघि नेपाली टिमले राम्रो लयलाई समातेको दाबी गरिन् ।
'क्रिकेटको नतिजा भन्न सकिदैन, जे पनि हुन सक्छ ।' उनले भनिन् ।
