उपाधि लक्ष्य लिएको नेपालले आज चीनको सामना गर्दै

काठमाडौं । थाइल्याण्डमा आजबाट सुरु हुने थाइल्याण्ड महिला टी -ट्वान्टी स्मास क्रिकेटको पहिलो खेलमा नेपालले आज (शनिबार) चीनको सामना गर्दैछ ।

थाइल्याण्ड क्रिकेट एसोसियसनले आयोजना गरेको प्रतियोगिताको समूह 'ए' मा रहेको नेपालले चीनको सामना गर्न लागेको हो ।

बैककमा हुने नेपाल र चीनबीचको खेल नेपाली समय अनुसार बिहान ८:१५ मा सुरु हुनेछ । प्रतियोगिताको लागि नेपाली टोली शुक्रबार थाइल्याण्ड पुगिसकेको छ  ।

उपाधि जित्ने लक्ष्य लिएको नेपाल चीनलाई हराएर शुखद सुरुवात गर्ने लक्ष्यसहित मैदान उत्रने छ । 

त्यस्तै, नेपालले आईतबार मलेसिया, सोमबार युएई र बुधबार थाईल्याण्डसंग प्रतिस्पर्धा गर्नेछ । समूहका शीर्ष दुई टोली अन्तिम ४ मा प्रवेश गर्नेछन् ।