काठमाडौँ। वेस्ट इन्डिजका अलराउन्डर तथा पूर्वकप्तान जेसन होल्डर चोटका कारण जुन ४ देखि शुरू हुने टी–२० विश्वकपबाट बाहिरिएका छन्।
काउन्टी च्याम्पियनसिपको खेलका क्रममा होल्डरलाई चोट लागेको थियो। क्रिकेट वेस्ट इन्डिजले होल्डरलाई चोट कहाँबाट लागेको हो र यसबाट निको हुन कति समय लाग्ने छ भन्नेबारे केही बताएको छैन।
दक्षिण अफ्रिकासँग टी–२० शृंखला खेलिरहेका बायाँ हाते तीव्र गतिका बलर ओबेद म्याककोयले होल्डरको स्थान लिनेछन्।
