काठमाडौँ। आईसीसी टी–२० विश्वकपका लागि पाकिस्तानको टोली घोषणा हुनुअघि शाहीन शाह अफ्रिदीलाई उपकप्तान बन्ने प्रस्ताव आएको थियो। तर, उनले उक्त प्रस्ताव अस्वीकार गरेका थिए।
ईएसपीएन क्रिकइन्फोका अनुसार पाकिस्तानको छनोट समितिले शाहीनलाई यो प्रस्ताव गरेको थियो। तर, उनी यसलाई अस्वीकार गरेपछि पाकिस्तानले उपकप्तानबिना टोली घोषणा गरेको छ।
उपकप्तानको दौडमा मोहम्मद रिजवानको नाम पनि परेको थियो। तर, छनोट समिति युवा खेलाडीलाई यो जिम्मेवारी दिने पक्षमा थियो।
