काठमाडौं । इन्डियन प्रिमियर लिग आईपीएलको फाइनल प्रवेशका लागि राजस्थान रोयल्स र सनराइजर्स हैदरावाद शुक्रबार भिड्दैछन् ।
दोस्रो क्वालिफायरमा दुवै टिम भिड्न लागेका हुन् ।
सनराईजर्स पहिलो क्वालिफायरमा कोलकत्ता नाईट राईडर्ससँग हारेको थियो । राजस्थानले इलिमिनेटर राउण्डमा बैंग्लोरलाई हराएर दोस्रो क्वालिफायरमा स्थान बनाएको हो ।
चेन्नेईको चेपाक रंगशालामा हुने खेल नेपाली समय अनुसार साँझ पौने ८ बजे सुरु हुनेछ । फाइनलमा प्रवेश गर्ने टिमले उपाधिका लागि कोलकत्तासँग भिड्नेछ ।
आईपीएलमा हैदरावादका अभिषेक शर्माले विस्फोटक इनिङ्स खेलेका छन् । उनी यस आईपीएलमा सबैभन्दा चाँडो अर्धशतक प्रहार गर्ने खेलाडी हुन् ।
चेन्नेईको चेपाकमा दुवै टिमको पछिल्ला आँकडा खराब छन् । हैदराबादले पछिल्ला १० खेलमा मात्र एकमा जित निकालेको छ । राजस्थानले समेत पछिल्ला ९ खेलमा २ मा जित निकालेको छ ।
