काठमाडौँ। कोलकाता नाइट राइडर्स इन्डियन प्रिमियर लिग (आईपीएल)को उपाधिनजिक पुगेको छ।
मंगलबार राति सम्पन्न खेलमा सनराइजर्स हैदरावादलाई ८ विकेटले पराजित गर्दै कोलकाता फाइनलमा पुगेको हो।
हैदरावादले दिएको १६० रनको लक्ष्य पछ्याएको कोलकाताले १३.४ ओभरमा २ विकेट गुमाउँदै १६४ रन बनायो।
कोलकाताका रहमानउल्लाह गुरबाज २३ र सुनील नारायण २१ रनमा आएट हुँदा वेंकटेश अय्यर ५१ र कप्तान श्रेयस अय्यर ५८ रनमा अविजित रहे।
हैदरावादका कप्तान प्याट कमिन्स र थंगारसु नटराजनले १/१ विकेट लिए।
त्यसअघि नरेन्द्र मोदी अन्तर्राष्ट्रिय क्रिकेट स्टेडियममा टस जितेर पहिला ब्याटिङ थालेको हैदरावादले १९.३ ओभरमा सबै विकेट गुमाउँदै १५९ रन बनाएको थियो।
हैदरावादका राहुल त्रिपाठीले सर्वाधिक ५५ रन बनाए। हाइनरिक क्यालसन ३२ र प्याट कमिन्स ३० रनमा आउट हुँदा अन्यको प्रदर्शन उल्लेख्य रहेन।
कोलकाताका मिचेल स्टार्कले सर्वाधिक ३ विकेट लिए। वरुण चक्रवर्तीले २ विकेट लिँदा वैभर अरोडा, हर्षित राणा, सुनील नारायण र आन्द्रे रसेलले १/१ विकेट लिए।
