काठमाडौँ। इन्डियन प्रिमियर लिग (आईपीएल) अन्तर्गत राजस्थान रोयल्स र कोलकाता नाइट राइडर्सबीच आइतबार गुवाहाटीमा तय भएको खेल कुनै पनि बल नभई रद्द भएको छ। योसँगै राजस्थानले शीर्ष २ मा उक्लिने मौका गुमाएको छ। यसको प्रत्यक्ष फाइदा सनराइजर्स हैदरावादले उठाएको छ।
हैदरावादले लिग चरणको अन्तिम खेलमा पञ्जाब किंग्सलाई चार विकेटले पराजित गर्दै १७ अंक जोडेको थियो। राजस्थानसँग पनि १७ अंक छ। बराबर अंक भए पनि हैदरावाद रनरेटको आधारमा दोस्रो स्थानमा रह्यो। आईपीएल २०२४ को यो तेस्रो खेल हो, जुन वर्षाका कारण रद्द भएको छ।
टस हुनुभन्दा पाँच मिनेटअघि नै मौसम बिग्रियो र पानी पर्न थाल्यो। त्यसपछि पर्खाइ जारी रहेको थियो। ८:५८ मा पहिलो पटक कभर हटाइएको थियो। तर, केहि समय पछि फेरि पानी पर्यो र त्यसपछि फेरि प्रतीक्षा शुरू भयो।
त्यसपछि १०:४० मा मैदानको निरीक्षणको लागि बोलाइएको थियो। १०:४५ मा टस भएको थियो, जुन कोलकाताले जितेर पहिले बलिङ गर्ने निर्णय गरेको थियो। खेल ७/७ ओभरमा खेल्ने निर्णय गरियो। तर, केही मिनेटपछि पानी फेरि पर्न थाल्यो र अन्ततः खेल ११:०४ मा रद्द गरिएको थियो।।
राजस्थानले शुरूका ९ मध्ये ८ खेल जितेर प्लेअफमा आफ्नो स्थान लगभग पक्का गरिसकेको थियो। त्यसैले टोलीलाई उपाधि दाबेदार मानिएको थियो। तर, लगातार ४ पराजय भएसँगै राजस्थानले आफ्नो लय गुमायो र कोलकाता शीर्ष स्थानमा रह्यो। अब राजस्थानले शीर्ष २ मा पर्न सक्ने मौका गुमाएको छ र एलिमिनेटरबाट गुज्रनुपर्नेछ।
पहिलो क्वालिफायर खेल कोलकाता र हैदरावादबीच २१ मेमा हुनेछ। एलिमिनेटर खेल भने राजस्थान र रोयल च्यालेन्जर्स बेंग्लोरबीच २३ मेमा हुनेछ। यी दुवै खेल अहमदाबादमा हुनेछन्।
राजस्थान र बेंग्लोरबीचको खेल जुन टोलीले जित्छ, उसले कोलकाता र हैदरावाद बीचको खेलमा हार्ने टोलीसँग दोस्रो क्वालिफायर खेल्नुपर्नेछ। शीर्ष २ मा रहने टोलीले फाइनलमा पुग्ने दुईवटा मौका पाउनेछन् भने तेस्रो र चौथो हुने टोलीले फाइनल पुग्नका लागि लगातार दुई खेल जित्नुपर्नेछ।
