खप्तड गोल्डकप : च्यासललाई दिल्ली फुटबलको चुनौती

काठमाडौं । तेस्रो सस्करणको नेपाल आइस सुदूरपश्चिम खप्तड गोल्डकपमा आज ललितपुरको च्यासल युथ र भारतको दिल्ली फुटबल क्लबबीच प्रतिस्पर्धा हुदैछ ।
तेस्रो प्रिक्वार्टरफाइनलमा अन्तर्गत आजको खेल दिउसो साढे २ बजे सुरु हुनेछ ।

काठमाडौमा भखरै सम्पन्न सहिद स्मारक ए डिभिजन लिगमा च्यासल युथले आठौँ स्थानमा रहेर प्रतियोगिताको अन्त्य गरेको थियो ।

आजको खेलको विजेताले पुस ३० गते रुस्लान थ्री स्टारको सामना गर्नेछ ।

यसअघि मेची नेत्रायल र नेपाल पुलिस क्लबले जित निकाल्दै क्वार्टरफाईनल तय गरिसकेका छन् ।

मोफसलकै सवार्धिक धनराशीको प्रतियोगिता खप्तड गोल्डकपको विजेताले २१ लाख र उपविजेताले १० लाख रुपैयाँ हात पार्नेछन् ।

उत्कृष्ट खेलाडीले यामाहाको १ सय ५० सीसी मोटरसाईकल प्राप्त गर्दा विधागत उत्कृष्ट विजेताले जनही १५÷१५ हजार रुपैयाँ पाउने छन् । प्रत्येक खेलको म्यान अफ द म्याचलाई नगद १० हजार प्रदान गरिने छ ।