माला र संगीता फाइनलमा

काठमाडौं । नेपालका माला राई र संगीता सुनारले इन्द्रमाया महर्जन मेमोरियल इन्टरनेसनल बक्सिङ प्रतियोगिताको फाईनलमा स्थान पक्का गरेका छन् ।

बोसीगाँउमा भएको प्रतियोगिताको पहिलो दिन बुधबार महिला ५१ केजीमा माला र ६० केजीमा संगिताले सेमिफाइनलको यात्रा तय गरेका हुन् ।

यस्तै महिला ४८ केजीमा नङ्जा बुढामगर र ललिता महर्जनले फाईनल भिड्न्त पक्का गरेका छन् । महिलातर्फ ५४ केजीमा नेपालकै निसा तामाङले पनि फाइनल यात्रा तय गरेकी छिन् ।

पुरुष स्पर्धामा नेपालले वर्चस्व जमायो । ४९ केजीमा नेपालका तेजवहादुर देउवा र प्रदिप महर्जन फाईनलमा पुगे । ५२ केजीमा नेपालका प्रेम चौधरी र भारतका सचिनले फाईनल भिड्न्त पक्का गरे । ५६ केजीमा नेपालका बिमल रोका र पुरन राई फाईनल प्रवेस गरे ।

६० केजीमा नेपालका एकवहादुर घले र भुटानका निमा दोर्जी फाईनल पुगे । ६४ केजीमा नेपालका भुपेन्द्र थापामगर र भुटानका दोर्जी वाङ्जेली उपाधि नजिक पुगेका छन् । ६९ केजीमा नेपालका बिकास लामा र बिष्णुप्रसाद घले र ७५ केजीमा नेपालका दिपक श्रेष्ठ र भारतका रवि सुनारले फाईनल भिड्न्त पक्का गरे ।

प्रतियोगिताको गृहमन्त्री रामवहादुर थापाले नेपाल बक्सिङ संघका अध्यक्ष राम अवालेलाई खेल सामाग्रि हस्तान्तरण गरेर उद्घाटन गरेका थिए ।

दुई दिने प्रतियोगिताका स्वर्ण बिजेताले १५ हजार, रजत बिजेताले १० हजार तथा काँस्य बिजेताले जनहि ५ हजार नगद प्राप्त गर्ने छन् ।