काठमाडौं । तीन पटकका बिजेता एपीएफका प्रिन्स दाहाल र ललितपुरकी रसिला महर्जनले लि–निङ्ग १३ औं पुष्पलाल स्मृती राष्ट्रिय र्याङ्किङ्ग ब्याडमिन्टन प्रतियोगितामा बिजयी सुरुवात गरेका छन् ।
नेपाल नम्बर एक खेलाडी प्रिन्सले लिगको पहिलो खेलमा नेपाल पुलिसका सुनिल जोशीलाई २१–११, २१–११ को अन्तरले पराजित गरेका हुन् । यस्तै नम्बर एक खेलाडी रसिलाले मोरङ्गकी सिमा राजबशी माथि २१–१२, २१–१४ को जित निकालिन् ।
पुरुष तर्फकै अन्य खेलमा नेपाल पुलिसका जीवन आचार्यले एपीएफका बिजित थापा मगरलाई २१–१४, २१–१३, ललितपुरका प्रफुल महर्जनले पुलिसका दीपक बोहरालाई २१–१३, २१–१५ र एपीएफका देवराज रानाले पुलिसका बिष्णु कटुवाललाई २४–२२, २१–१३ ले पराजित गरे ।
यस्तै महिला तर्फको खेलमा त्रिभुवन आर्मी क्लबकी अनुमाया राइले सर्लाहीकी निकिता लामालाई २१–१०, २१–१२, आर्मीकी अमिता गिरीले एपीएफकी शोभा गौचनलाई २१–१०, २५–२३ र भोजपुरकी नङ्गशल तामाङ्गले पुलिसकी निता लम्साललाई २१–१५, २१–१८ ले पराजित गरे ।
सोमबार भएको शीर्ष ८ बाहेकको पुरुष एकलको प्रतिस्पर्धामा देबीनगर ब्याडमिन्टन क्लबका हेमन्त ऐरले कीर्तिपुर ब्याडमिन्टन क्लबका सुलभ पौडेललाई २१–१६, २१–१३ ले, आर्मीका लक्ष्मण रानाले मण्डला ब्याडमिन्टन क्लबका निरन्जन सिलवाललाई २१–११, १७–२१, २१–९ ले, देबी नगर ब्याडमिन्टन क्लबका बबिश थापाले रिभाईभका किरण न्यौपानेलाई २१–१३, २१–१५ ले पराजित गरे ।
यस्तै पहिलो जित हात पार्ने क्रममा आर्मीका पविन लिनथेप, पर्साका सत्यम बिपिन मिश्र, आर्मीका सन्तोष पनेरु, पाँचथरका दिवस शंकर, युनिग्लोव कलेजका सक्षम ढकाल, एपीएफका सुजन थापा, आर्मीका नरेन्द्र बम र सौर्य महर्जन, कम्प्लिट हेल्थ क्लबका नगेन्द्र लिम्बु, आर्मीका सुप्रिम पन्त, नखिपोटका बिवेक चौधरी र देबीनगर ब्याडमिन्टन क्लबका अमन भट्टले पनि जित हात पारे ।
पविनले एपीएफका प्रदीप सोतीलाई २१–७, २१–९, सत्यमले रिसोल्ट कन्सल्ट्यान्सीका निशान गुरुङ्गबाट वाकओभर, सन्तोषले देबी नगरका आकाश कटुवाललाई २१–१२, २१–१७, दिवसले भोजपुरका बिशाल तामाङ्गलाई २१–१३, १२–२१, २१–१७, सक्षमले ललितपुरका संगम मोक्तानलाई २१–८, २१–८, नरेन्द्रले कैलालीका शिशिर रानालाई २१–१८, २१–१९, सौर्यले रिभाईभका अनन्त पाख्रिनलाई २१–१३, २१–१९, नगेन्द्रले कन्चनपुरका निखिल भट्टलाई २१–१६, १६–२१, २३–२१, सुप्रिमले पर्साका कृष गुप्तालाई २१–६, २१–१३, बिवेकले बनस्थलीका प्रकास सापकोटालाई २१–७, २१–१५ र अमनले एपीएफका प्रारम्भ सिमखडालाई १८–२१, २१–१५, २१–१९ ले पराजित गरे ।
प्रतियोगितामा नेपाल ब्याडमिन्टन संघको शीर्ष ८ बरियतामा रहेका पुरुष र महिलाहरुको एकल, ८ बरियता देखि बाहेकका पुरुष र महिला एकल, पुरुष र महिला युगल, यु–१७ ब्वाइज र गल्स एकल, भेट्रान्स ४५ बर्ष माथी र मास्टर्स ५५ बर्ष माथी, यु–१३ को ब्वाई र गल्स एकल गरि १२ विधामा प्रतिस्पर्धा हुनेछ ।
प्रतियोगिताको कुल पुरस्कार रासी ७ लाख २३ हजार रहेको छ ।
