काठमाडौं । निसर्ग बाटिका स्कुल २६ औं संस्करणको राष्ट्रिय खुल्ला तथा उमेर समूह प्रतियोगितामा टिम च्याम्पियन बन्न सफल भएको छ ।
नेपाल पौडी संघ र बागमती प्रदेश खेलकुद विकास परिषद्को संयुक्त आयोजनामा भएको प्रतियोगितामा निसर्गले कुल १ सय ४८ अंक हासिल गर्दै टिम च्याम्पियन बनेको हो ।
दोश्रो स्थानमा रहेको स्वस्तीश्री गुरुकुलले ५१ अंक र तेश्रो स्थानमा रहेको काठमाण्डौ वल्र्ड स्कुलले २६ अंक प्राप्त गर्यो । प्रतियोगितामा १३ स्कुलको सहभागिता रहेको थियो ।
प्रतियोगिताको खुल्लातर्फ २ सय मिटर फ्रिस्टायलमा अथर्व सिंहले स्वर्ण जिते । उनले २ मिनट ५ दशमलव २७ सेकेन्डमा दुरी पुरा गरेका हुन् । दोश्रो स्थानमा निसर्गका सुविज्ञ मान तुलाधर र तेश्रो स्थाना निसर्गकै सनिल कुमार थापा मगर रहे ।
पुरुष ५० मिटर ब्रेष्टस्ट्रोकमा विकास कुमालले ३१ दशमलव ३९ सेकेन्ड समयका साथ स्वर्ण हात पारे । दिपंकर अवालेले रजत र प्रिमियरका इरभिन श्रेष्ठले कास्य जिते ।
पुरुष सय मिटर ब्याक स्ट्रोकमा १ मिनट ४ दशमलव ०३ सेकेन्ड समयका साथ निसर्ग बाटिकाका जाडेन श्रेष्ठले स्वर्ण जिते । दोश्रो स्थानमा अथर्व सिंह र तेश्रो स्थानमा आरोन भण्डारी रहे ।
पुरुष १०० मिटर ब्रेष्ट स्ट्रोकमा दिपंकर अवालेले स्वर्ण जिते । उनले विकास कुमाललाई रजतमा खुम्चाउन सफल भए । अथर्व सिंहले कास्य पदक पाए ।
पुरुषको ५० मिटर फ्रिस्टायलमा स्वस्तीश्रीका अजलकाजी ताम्राकारले २४ दशमलव ३९ सेकेन्ड समयका साथ आफ्ना लागि तेश्रो स्वर्ण जिते । उनले प्रतियोगिताको पहिलो दिन २ स्वर्ण जितेका थिए । प्रिमियरका इरभिन श्रेष्ठले रजत र स्वस्तीश्रीका सेरेन सिंहले कास्य पाए ।
महिला १०० मिटर बटरफ्लाईमा मेगन गुरुङ्गले १ मिनट १७ दशमलव २८ सेकेन्ड समयका साथ स्वर्ण जितिन् । स्वस्तीश्रीकी आहना मर्जनले रजत र लिटल एन्जल्सकी काभ्या श्रेष्ठले कास्य जिते ।
महिला १०० मिटर फ्रिस्टायलमा स्वस्तीश्रीकी अनुसिया तण्डुकारले १ मिनट २ दशमलव ८९ सेकेन्ड समयका साथ स्वर्ण हात पार्दा मेगन गुरुङ्गले रजत र प्रिमियरकी रोशा न्यौपानेले कास्य हात पारे ।
महिला ५० मिटर बटरफ्लाईमा ३२ दशमलव ५२ सेकेन्ड समयका साथ प्रिमियरकी रोशा न्यौपानेले स्वर्ण जितिन् । मेगन गुरुङ्गले रजत हात पार्दा सेन्ट मेरी स्कुलकी देभान्सी जोशीले कास्य जितिन् ।
महिला ५० मिटर ब्रेकस्ट्रोकमा आर्या महर्जनले स्वर्ण जितिन् । उनले उक्त दुरी ३४ दशमलव ५४ सेकेन्ड समयमा पुरा गरिन् । निसर्गकी बैनभी श्रेष्ठले रजत र मिल्सवेरीकी सिसोम्बुन राईले कास्या जिते ।
बिजेता खेलाडीलाई ललितपुर महानगरापालिकाका मेयर चिरी बाबु महर्जन, नेपाल ओलम्पिक कमिटीका महासचिव निलेन्द्र राज श्रेष्ठ, कार्यकारी निर्देशक चतुरानन्द राज बैद्य लगायतले पुरस्कार वितरण गरेका थिए ।
-1750047432.webp)
