काठमाडौं । आईसीसी एकदिवसीय विश्वकप क्रिकेटको सेमिफाइनल समिरकण पुरा भैसकेको छ । आईतबार समूह चरणको अन्तिम खेलमा भारतले नेदरल्याण्ड्सलाई पराजित गरेसँगै लिग चरणको खेल सकिएको छ ।
शनिबार इङ्ल्याण्डले पाकिस्तानलाई हराएसँगै सेमिफाइनल पुग्ने टोलीको निश्चित भएको थियो । रनरेटका आधारमा न्युजिल्याण्ड पहिल्यै सेमिफाइनलको नजिक थियो । असम्भव जस्तै देखिएको नतिजा निकालेमा पाकिस्तानको आगामी बाटो तय हुने समिकरण बनेको थियो । तर इङ्ल्याण्डले टस जितेर ब्याटिङ गरेसँग पाकिस्तानको नकआउट चरण पुग्ने गणितिय सम्भावना समेत सकिदै गएको देखिन्थ्यो ।
यस विश्वकपमा सोमबार समूह चरणको खेल सकिएको छ, अब पालो नकआउट चरणको छ ।
नकआउट अर्थात सेमिफाइनलको खेल बुधबार हुनेछ ।
वानखडे स्टेडियममा फाइनल प्रवेशका लागि भारतले न्युजिल्याण्डसँग खेल्नेछ । इडेन गार्डेनमा अष्ट्रेलिया र साउथ अफ्रिका सेमिफाइनलको दोस्रो खेलमा भिड्नेछन् ।
प्रतियोगितामा अपराजित रहदै भारत सेमिफाइनल पुगेको हो । उसले चौथों स्थानको न्युजिल्याण्डलाई प्रतिद्धन्दीको रुपमा पाएको हो । यस विश्वकपमा उत्कृष्ट प्रर्दशन गरेको साउथ अफ्रिकाले अष्ट्रेलियालाई सेमिफाइनल प्रतिद्धन्दी भेट्टाएको हो ।
भारतले समूह चरणमा सबै टिमलाई हरायो । उसले ९ खेलबाट शतप्रतिशत १८ अंक बटुल्यो । साउथ अफ्रिका र अष्ट्रेलियाले समान २ खेलमा समूह चरणमा गुमाए ।
समूह चरणमा चार खेलमा हार ब्यहोरेको न्युजिल्याण्ड चौथों टोलीको रुपमा सेमिफाइनल प्रवेश गरेको हो ।
