काठमाडौं । पाकिस्तानी क्रिकेट टोलीका निर्देशक मिकी आर्थरले बाबर आजमलाई कप्तानको भूमिकामा विकास गर्न समय दिनु पर्ने बताएका छन् ।
पाकिस्तान सेमिफाइनलमा पुग्न नसकेपछि यस विश्वकपमा बाबरको स्थिति जाँचिएको थियो।
कोलकातामा ९३ रनले जित निकाल्दै इंग्ल्याण्डले पाकिस्तानको अन्तिम चारको आशा समाप्त गरेको थियो ।
'म बाबरको साथमा छु। उनि युवा छन् र म उनको नजिक छु। उनलाई यात्रामा लैजानु पर्छ र बाटो देखाउनु पर्छ।' आर्थरले भने।
'उनले हरेक दिन सिकिरहेको छन् । हामीलाई थाहा छ कि उनि राम्रो ब्याट्सम्यान हुन् र उनले आफ्नो कप्तानीबाट हरेक दिन नेतृत्व दिन सिक्छन्।'
'उनी बिकसित हुदै गएका छन् र हामीले उसलाई त्यसको लागि समय दिनै पर्छ। जबसम्म तपाईंले सिक्नुहुन्छ गल्ती गर्नु कुनै अपराध होइन।'
बाबरलाई मे २०२० मा एक दिवसीय कप्तानमा नियुक्त गरिएको थियो।
उनको नेतृत्वमा पाकिस्तान गत नोभेम्बरमा भएको टी–२० विश्वकपको फाइनलमा पुग्यो र इङ्ल्यान्डसँग पराजित भएको थियो ।
निराशाजनक विश्वकप अभियानको बावजुद अप्रिलमा टोली निर्देशक नियुक्त भएका आर्थरले पाकिस्तानको टोलीमा परिवर्तन हुनुहुँदैन भनेका छन्।
तर पाकिस्तानमा बाबरको कप्तानीलाई लिएर आलोचना भैरहेको छ। पाकिस्तान क्रिकेट बोर्डको अध्यक्षको रूपमा सेवा गरेका पुर्व क्रिकेटर रमिज राजाले बाबरलाई कप्तानको रूपमा निरन्तर रहने इच्छा छाड्न सुझाव दिए।
'उनीमाथि यति धेरै दबाब छ कि उनले पद छोड्न सक्छन् ।' राजाले बीबीसीलाई भने।
'मलाई लाग्छ सबै उस्तै रहनेछ, र बाबर अहिले जत्तिकै महत्त्वपूर्ण रहिरहनेछन्। उनमा यति प्रतिभा छ कि सबैलाई चकित पार्न सक्छन् तर कप्तानको भूमिकाले उनले दबाब महसुस गरिरहेका छन्।'
'यो विश्वकप हो त्यसैले तपाईंले कुनै न कुनै रूपमा लिनु पर्छ। यो टोलीको समस्या यो हो कि यसमा आधुनिक क्रिकेट खेल्ने क्षमता छ तर अलि लजालु र डरपोक जस्तै खेलिरहेका छन्।'
