काठमाडौं । एकदिवसीय विश्वकप क्रिकेटमा बंगलादेशले अफगानिस्तानलाई सहजै हराएको छ । धर्मशालामा शनिबार भएको खेलमा बंगलादेशले अफगानिस्तामाथि ६ विकेटको जित निकालेको हो ।
सुरुआती ब्याटिङ गरेको अफगानिस्तान १ सय ५६ रनमा अलआउट भएको थियो ।
ओपनर रहमानुल्लाह गुरबाजले सर्वाधिक ४७ रन बनाएको इनिङ्समा इब्राहम जर्दान र अजमतुल्लाह उमरजईले समान २२ रन बनाए । रहमत शाह र हशमतुल्लाह शाहिदीले समान १८ रन जोड्नु बाहेक अन्य खेलाडीले दोहोरो अंकको स्कोर छुन सकेनन् ।
बंगलादेशका शाकिब अल हसन र मेहदी हसन मेराजले समान ३ विकेट लिए । सोरिफुल इस्लामले २ तथा तास्किन अहमद र मुस्ताफिजुर रहमानले एक एक विकेट चट्काए ।
अफगानिस्तानले दिएको १ सय ५७ रनको सामान्य लक्ष्य पछ्याएको बंगलादेशले ३४ दशमलव ४ ओभरमा मात्र ४ विकेटको क्षमीमा लक्ष्य पुरा गर्यो ।
नजमुल हुेसन शान्तोले सर्वाधिक ५९ रन बनाएको इनिङ्समा मेहदी हसन मेराजले ५७ रनको योगदान गरे ।
ओपनर ताहिद हसन ५ र लिटोन दास १३ रनमा आउट भएका थिए । कप्तान सकिब अल हसन १४ रनमा आउट हुदाँ मुश्फिकुर रहीम २ रनमा नटआउट रहे ।
अफगानिस्तानका अजमतुल्लाह उमरजइ, नवीन उल हक र फजलहक फारुकीले समान एक एक विकेट लिएका थिए ।
