क्रिकेट टिम भोलि फर्कदै, स्वागतको तयारी

काठमाडौं । राष्ट्रिय क्रिकेट टिम भोलि बिहीबार स्वदेश फर्कदैछ । चीनमा जारी एसियन गेम्समा सहभागीता जनाएर क्रिकेट टिम नेपाल फर्कन लागेको हो । 

नेपाल क्रिकेट संघ क्यानले खेलाडीलाई स्वागतको तयारी गरेको छ । 

एसियन गेम्समा नेपाल भारतसँग क्वार्टरफाइनलमा पराजित हुँदै प्रतियोगिताबाट बाहिरीएको थियो । कडा टक्करका बाबजुत नेपालले भारतको युवा टिमसँग हार ब्यहोरेको थियो । 

नेपालले समूह चरणमा भने अविश्वसनीय प्रर्दशन गर्यो । पहिलो खेलमा मंगोलियामाथि थुप्रै विश्व कीर्तिमान कायम गर्यो । दोस्रो खेलमा माल्दिभ्सलाई फराकिलो अन्तरले हरायो । 

मंगोलियाविरुद्ध दीपेन्द्र सिंह ऐरी र कुशल मल्लले टी ट्वान्टी क्रिकेटमा विश्व कीर्तिमान बनाए भने नेपाली टिमले समेत इतिहास रच्यो । 

क्रिकेट टिम बिहान साढे ११ बजे त्रिभुवन अन्तराष्ट्रिय विमानस्थलमा उत्रने कार्यक्रम छ । सुभेच्छुक दर्शक तथा फ्यान खेलाडीलाई स्वागतमा पुग्न सक्नेछन् ।