नेपाल कबड्डीको सेमिफाइनलमा, पदक पक्का

काठमाडौं । एसियन गेम्समा नेपालको महिला कबड्डी टिम सेमिफाइनल प्रवेश गरेको छ ।

समुह चरणको अन्तिम खेलमा बुधबार इरानले बंगलादेशलाई पराजित गरेसँगै नेपाल अन्तिम चारमा पुगेको हो ।

इरानले बंगलादेशलाई ५४–१६ को स्कोरमा पराजित गर्यो र समुह विजेता बन्यो । 

नेपालले पहिलो खेलमा बंगलादेशलाई हराएको थियो । 

तीन टोली रहेको समूह बीमा पहिलो जित निकाल्दै नेपालले काँस्य पदक जित्ने तय गरिसकेको थियो । 

एसियाडमा नेपालले महिला कबड्डीलाई पहिलो पटक सहभागीता गराएको हो । समूह बीबाट इरान र नेपाल सेमिफाइनल प्रवेश गरेका हुन् ।