फ्रेन्चाइज क्रिकेट आफै गर्ने क्यानको निर्णय

काठमाडौं । नेपाल क्रिकेट संघ क्यानले फ्रेन्चाइज क्रिकेट नेपाल प्रिमियर लिग आफै आयोजना गर्ने निर्णय गरेको छ ।

क्यानको मंगलबार बसेको कार्यसमिति बैठकले नेपाल प्रिमियर लिग मार्च-अप्रिलमा आफै आयोजना गर्ने निर्णय गरेको हो । 

बिदेशी खेलाडी बिनाका अन्य फ्रेन्चाईज लिग आयोजना गर्न अनुमती दिने निर्णय गरेको क्यानले आमिर अख्तरले आयोजना गर्दै आएको इपीएललाई एनपीएल आयोजना पश्चात छलफल गरि निर्णय गर्ने गरि सहमती जुटाएको छ । 

क्यानले यसअघि सेभेन थ्री स्पोर्ट्ससँग मिलरे नेपाल टी ट्वान्टी लिग आयोजना गरेको थियो । प्रतियोगिता विवादीत बनेपछि क्यानको नेतृत्वनै संकटमा परेको थियो । 

क्यानको नयाँ कार्यसमिति चयन भए पश्चात पहिलो बैठकले त्रिदेशीय सिरिज आयोजना गर्नेदेखि हरेक प्रदेशमा क्रिकेट मैदानका लागि काम गर्ने निर्णय गरेको छ । 

हेर्नुस क्यान बैठकको निर्णय :