पीएसपीएल क्रिकेटको अक्सन सम्पन्न 

अर्जुन काफ्ले ।

मोरङ । मोरङको पथरी शनिश्चरेमा शनिबार चौथो संस्करणको पथरीशनिश्चरे प्रिमियर लिग (पीएसपीएल) क्रिकेटको अक्सन सम्पन्न भएको  छ । 

अक्सनबाट ७ क्लबले १ सय ३ जना खेलाडी अनुवन्ध गरेका छन् । तेश्रो संस्करणको प्रिमियर लिगमा सहभागी हिसाव किताब ट्राइडेन्स र मंगलवारे लिजेण्डले लिगबाट बाहिरिने निर्णय गरेपछि नयाँ क्लबका रूपमा गोर्खा लिजेण्डले पहिलो पटक सहभागिता जनाउन लागेको हो । 

देशमा हुने अन्य फ्रेन्चाइज क्रिकेटमा समेत सहभागी रहेका फिर्दाेस अन्सारी यस पटकको अक्सनमा महङ्गो खेलाडीका रुपमा रहे । सबै टिमको रोजाइमा रहेका फिर्दाेसलाई अघिल्लो संस्करणको विजेता टिम सातबाघले १४ हजार रुपैयाँको बोलीमा भित्राउन सक्यो । 

यस संस्करणबाट प्रत्येक टिमले नगर बाहिरका ४ खेलाडीलाई अनुबन्धन गर्न पाउने नियम सुरु गरिएको छ । अक्सनको सुचीमा रहेका २ सय ३१ खेलाडी मध्ये दोश्रो महगो खेलाडी सुरज न्यौपाने बने । उनलाई विरेन्द्र नगर स्टिल टाइगरले १२ हजार रुपैयाँको बोली लगायो । न्यौपानेलाई पनि अधिकास टिमले बोली लगाएका थिए । 

आइतबारे अस्त्रले मोहमद निसारलाई ८ हजार मोल लगाउँदा रोयल किङ्गले रोर्वट राईलाई ७ हजारमा अनुबन्धन ग¥यो । क्लासिक एलाभेन हसन्दहले बुद्ध आले मगरलाई ५ हजार ४ सय, बुद्ध युनाइटेडले भुपेन राईलाई ६ हजारमा अनुबन्धित ग¥यो । बुद्धले उमेर समुहमा राष्ट्रिय टिमबाट पनि प्रतिनिधित्व गरेका दिपेश कँडेललाई ४ हजार २ सय रुपैयाँमै टिममा भित्राउन सक्यो । नव प्रवेशी गोर्खाले सोलोमन राईलाई ७ हजार ८ सय रुपैयाँमा भित्र्यायो । 
खेलाडीलाई तिन श्रेणीमा राखेर अक्सन गरिएको थियो । 

लिगका लागि रोयल किङ्ग र आइतवारेले १६–१६ जना खेलाडी अनुवन्धन गर्दा सातबाघले १५ जना र  बुद्ध युनाइटेड, विरेन्द्रनगर, हसहन्द र गोर्खाले समान १४ खेलाडी किन्न सफल भए ।  अक्सनका लागि हरेक टोलीलाई ५० हजार जम्मा ‘वालेट’ राखिएको थियो । खेलाडीलाई ए, बी र सि वर्गमा विभाजित गरि अक्सन गरिएको थियो । 

पथरीशनिश्चरे नगरभित्रका क्रिकेट खेलाडीको खेल स्तरवृद्धि गर्न र नगरभित्रबाट क्रिकेट प्रतिभा खोज्न सुरू गरिएको लिगको यो चौथो संस्करण हो । यस अघिका संस्करणमा नगर भित्रका खेलाडी मात्र सहभागी हुदै आएकोमा यस पटकबाट देश भित्रै खेलाडीलाई समेत अक्सनमा सहभागी गराइएको छ । एक टिमले ४ जना नगर वाहिरका खेलाडीलाई अनुवन्धन गर्न पाउने छन् भने २ खेलाडीलाई प्लेइङ एलाभेनमा सहभागी गराउन सक्नेछ । 

अघिल्ला तिन संस्करणमा पहिलो रोयल किङ्स र दोस्रो र तेश्रो सातबाघले उपाधि जित्न सफल भएका थिए ।  लिग कार्तिक १० देखि कात्तिक २३ गते सम्म सञ्चालन हुनेछ । पथरी रंगशालामा हुने प्रतियोगीताको ट्रफि समेत शनिबार प्रर्दशन गरिएको थियो । पथरीशनिश्चरे नगरका प्रमुख मोहन तुम्वापोले शनिवार आयोजित अक्सन कार्यक्रममा ट्रफि प्रर्दशन गरेका हुन् ।