अर्जुन काफ्ले ।
पथरी । चौथो संस्करणको पथरीशनिश्चरे प्रिमियर लिग क्रिकेट (पीएसपीएल) कार्तिक १० बाट हुने भएको छ । लिग आयोजक पथरीशनिश्चरे प्रिमियर लिग समितीले शनिवार पत्रकार सम्मेलन गर्दै प्रतियोगीताका बारेमा जानकारी दिएको हो ।
प्रस्तावित पथरी रंगशालामा हुने प्रतियोगीता १४ दिन सम्म सन्चालन हुनेछ । प्रतियोगीताको फाइनल कार्तिक २४ गते हुनेछ ।
प्रतियोगीतामा ७ विभिन्न फ्रेन्चाइज क्लबले सहभागीता जनाउने छन् । असोज ६ गते हुने अक्सनमा ७ क्लबले कम्तीमा १४ खेलाडी अनुबन्धन गर्न पाउने आयोजकका सचिव राकेश राईले पत्रकार सम्मेलनमा जानकारी दिए ।
यस पटकबाट पथरीशनिश्चरे नगर वाहिरका खेलाडीलाई समेत क्लबले अनुवन्धन गर्न पाउने छन् । एक क्लबले ४ जना खेलाडी अनुबन्धन गर्ने छन् भने २ खेलाडीलाई ‘प्लेइङ्ग एलाभेन’मा समेटन सक्ने छन् ।
प्रतियोगीताको विजेताले ट्रफि सहित नगद १ लाख ३१ हजार १ सय ११ प्राप्त गर्ने छन् भने दोश्रो हुने क्लबले ७१ हजार १ सय ११ रुपैयाँ प्राप्त गर्नेछन् । त्यस्तै विधागत रुपमा पनि खेलाडीलाई पुरस्कृत गरिनेछ । ‘वेष्ट वलर’, ‘वेष्ट व्याष्टमेन’, ‘वेष्ट फिल्डर’, ‘म्यान अफ दि टुर्नामेन्ट’, ‘हाइएष्ट सिक्स’ र ‘वेष्ट क्याच’ विधामा खेलाडी पुरस्कृत हुनेछन् ।
७ क्लब मध्ये अघिल्लो संस्करणमा सहभागी ४ क्लबले खेलाडी रिर्टन गरेका छन् भने नव प्रवेशी गोर्खा लिजेन्डसले २ खेलाडीलाई मार्की खेलाडीका रुपमा अनुवन्धन गरेका छन् । २ क्लबले भने कुनै खेलाडीलाई रिटर्न नगरेको आयोजकका अध्यक्ष विरोज मगरले जानकारी दिए ।
सातवाघले अनिस लुइटेल र आस्विन महतलाई रिर्टन गरेको छ भने वुद्ध युनाइटेडले राकेश राई, क्लासिक इलाभेन हसदन्हले सुजन खत्री र संन्जीव धिमाल र आइतवारे अस्त्रले आर्दश कार्कीलाई रिर्टन गरेको छ । नयाँ क्लब गोर्खा लिजेन्डसले आभाष पाहिम र योगेश श्रेष्ठलाई मार्कीका रुपमा अनुबन्धन गरेको छ । रोयल किङस् र विरेन्द्रनगर स्टिल टाइगरले अघिल्लो संस्करणमा अनुबन्धन गरेका सवै खेलाडी ‘रिलिज’ गरेको छ ।
प्रतियोगीताको अक्सनका लागी २ सय ३१ खेलाडी दर्ता भएका छन् । विभिन्न ३ ‘क्याटोगरी’ अन्तरगत ति खेलाडी दर्ता भएका हुन् । जसमा स्थानिय १६८ र बाहिरका ६३ जना खेलाडी रहेका छन् । स्थानीय क्रिकेट खेलाडीको उत्पादन गर्न र क्रिकेट प्रतिभा पहिचान गर्न चौथो संस्करणको क्रिकेट लिग प्रतियोगीता सञ्चालन गर्न लागिएको आयोजकले जनाएको छ ।
