काठमाडौं । एसिसि एसिया कप क्रिकेटमा फाइनलमा स्थान बनाउँन श्रीलंकाले २ सय ५२ रनको लक्ष्य पाएको छ।
वर्षाका कारण खेल ४२ ओभरमा छोट्याईएको थियो ।
श्रीलंकाको कोलम्बोमा रहेको आर प्रेमदासा क्रिकेट स्टेडियममा टस जितेर पहिले ब्याटिङ गरेको पाकिस्तानले निर्धारित ४२ ओभरमा ७ विकेट गुमाएर २ सय ५२ रन बनाएको हो ।
डकवर्थ लुईस पद्दती अनुसार श्रीलंकाले २ सय ९२ रनकै लक्ष्य पाएको थियो ।
पाकिस्तानका लागि मोहम्मद रिजवान र अब्दुल्लाह शफिकले अर्धशतकीय ईनिङ खेले ।
मोहम्मद रिजवानले ७३ बलमा ६ चौका र २ छक्काको सहयोगमा अविजित ८६ रन बनाए ।
शफिकले ६९ बलमा ३ चौका र २ छक्काको सहयोगमा ५२ रन बनाए ।
ईफ्तिखार अहमदले ४० बलमा ४ चौका र २ छक्काको सहयोगमा ४३ रन बनाए । कप्तान बाबर अजामले ३५ बलमा २९ रन बनाए ।
श्रीलंकाका लागि मथिसा पथिरानाले ३ तथा प्रमोद मधुशनले २ विकेट लिए ।
एसिया कपको सुपर फोरमा दुई खेल खेलेका दुवै टोलीले समान १/१ खेलमा जित दर्ता गरेका छन् ।
सुपर फोरमा दुवै टोलीले बंगलादेशलाई हराएका थिए । भने, दुवै टोली भारतसँग पराजित भएका थिए ।
यस खेल जितेर दुवै टोली फाइनलमा स्थान बनाउँने लक्ष्यमा रहेका छन् । भारतले भने एक खेल अगावै फाइनलमा स्थान बनाईसकेको छ ।
यस खेलमा विजेता बन्ने टोलीले फाइनलमा स्थान बनाउँने छ । तर, वर्षाका कारण खेल रद्द भएमा श्रीलंका रनरेटमा अघि रहेकाले फाइनलमा स्थान बनाउँने छ ।
फाइनल खेल आगामी आईतबार हुनेछ ।
