आसिफले पछि पारे रोहितलाई 

काठमाडौं । नेपाली राष्ट्रिय क्रिकेट टिमका ओपनर आसिफ शेखले कप्तान रोहित पौडेललाई पछि पारेका छन् । 

आसिफले नेपाली टोलीका कप्तान पौडेललाई ओडिआई ब्याटिङ वरीयतामा पछि पारेका हुन् । 

अन्तर्राष्ट्रिय क्रिकेट परिषद(आइसीसी) ले जारी गरेको नयाँ वरीयतामा आसिफ एक स्थान सुधार गर्दै ७४ औं स्थानमा रहेका छन् । 

आसिफ ७४ औं स्थानमा रहँदा कप्तान पौडेल एक स्थान तल झरेर ८६ औं स्थानमा छन् । 

बलिङतर्फ सन्दीप लामिछाने एक स्थान तल झरेर ३१ औं स्थानमा छन् । दीपेन्द्रसिंह ऐरीले एक स्थान वरीयता सुधार गरेर ६७ औं स्थानमा छन् । 

करण केसी ८८ औं र सोमपाल कामी ९४ औं स्थानमा छन् । ललित नारायण राजवंशी दुई स्थान सुधार गरेर ९७ औं स्थानमा छन् । 

नेपाल भने ओडिआई वरीयतामा १५ औं स्थानमा छ ।