क्यानको चुनावका लागि मधेसबाट प्रतिनिधि छनोट

निजगढ । मधेस प्रदेश क्रीकेट संघले केन्द्रिय निर्वाचनको लागि ४ जना प्रतिनिधि छनोट गरेको छ ।

सोमबार सम्पन्न संघको भर्चुअल बोर्ड बैठकले अध्यक्ष सुनिल महासेठ,उपाध्यक्ष पवन कुमार गुप्ता,सचीव आयुश श्रेष्ठ र कोषाध्यक्ष सुवास जैसवाललाई केन्द्रिय निर्वाचन प्रतिनिधि चयन गरेको हो ।

बैठकले एसिया कप क्रीकेटमा पाकिस्तान र भारत विरुद्ध उत्कृष्ट प्रदर्शन गरेको नेपाली टोलिका खेलाडीहरु लाई बधाई सहित शुभकामना समेत दिएको छ ।

नेपाल क्रीकेट संघ क्यानको विधान अनुरुप प्रदेश अन्तर्गत रहेको क्यानको सदस्य जिल्लाको आधा संख्याको प्रतिनिधि छनोट हुने व्यवस्था रहेकोछ ।

सोही बमोजिम नेपाल क्रीकेट संघमा आबद्ध मधेस प्रदेशका ८ वटा जिल्लाको आधा संख्या बराबरको ४ जना प्रतिनिधि चयन भएकाहुन । क्यानको नयाँ नेतृत्व चयन गर्नकोलागी आगामी असोज ५ र ६ गते अधिवेशन हुँदैछ ।