भारत र पाकिस्तानको खेल वर्षाका कारण रोकियो 

काठमाडौं । एसिया कपको सुपर फोरअन्तर्गतको भारत पाकिस्तानबीचको खेल वर्षाका कारण प्रभावित भएको छ । 

भारतले टस हारेर ब्याटिङ गरिरहेको थियो । 

भारतले २४ दशमलब १ ओभरमा २ विकेट गुमाएर १ सय ४७ रन बनाएको थियो ।

भारतका लागि ओपनर तथा कप्तान रोहित शर्मा ४९ बलमा ६ चौका तथा ४ छक्काको सहयोगमा ५६ रन बनाएर आउट भए । 

अर्का ओपनर शुभमन गिलले ५२ बलमा १० चौकाको सहयोगमा ५८ रन बनाएका थिए । 

क्रिजमा विराट कोहली र केएल राहुल रहेका छन् ।

पाकिस्तानका लागि सादाब खान र शाहिन शाह अफ्रिदीले समान १/१ विकेट लिएका थिए ।

वर्षाका कारण खेल हुन नसकेमा बाँकी खेल सोमबार हुनेछ । सोमबार २४ दशमलब १ ओभरबाट नै खेल सुरु हुनेछ ।