बुकी कप भलिबल मंसिरमा 

काठमाडौं । बुकी कप भलिबल प्रतियोगिता आगामी मंसिर दोस्रो साताबाट सुरु हुने भएको छ ।

हिमालयन म्युजिकल ईभेन्ट म्यानेजमेन्ट एण्ड फिल्मस प्रा.लिको आयोजनामा हुने प्रतियोगिता मंसिर १३ बाट २० गतेसम्म आयोजना हुनेछ ।

चलचित्र बुकी छायाँकनका लागि यो प्रतियोगिताको आयोजना हुदैछ । 

प्रतियोगितामा प्रथम हुने टोलीले ५ लाख नगद प्राप्त गर्दा दोस्रो हुनेले २ लाख ५० हजार नगद प्राप्त गर्ने छ । तेस्रो हुनेले नगद रु १ लाख २५ हजार प्राप्त गर्ने छ । 

प्रतियोगिताका सबै खेल गलकोट नगरपालीका ६ मजुवाफाँटमा हुनेछ ।