दीपेन्द्र आबद्ध टाईगर्स अन्तिम खेल खेल्दै

काठमाडौं । ग्लोबल टी-ट्वान्टी क्यानडामा नेपालका अलराउन्डर दीपेन्द्रसिंह ऐरी आबद्ध मोन्ट्रियल टाईगर्सको सातौं तथा समूह चरणको अन्तिम खेल बुधबार बिहान रहेको छ ।

सातौं खेलमा टाईगर्सले भैंकूवर नाइट्ससँग बुधबार नेपाली समय अनुसार बिहान सवा १ मा खेल्नेछ ।

छ खेलमा टाईगर्सले चारमा जित दर्ता गरेको छ ।

पहिलो खेलमा सरे जगुआर्स र दोस्रो खेलमा मिसिसागा प्यानथर्सलाई पराजित गरेको थियो । तेस्रो खेलमा भैंकूवर नाइट्सलाई पराजित गरेको थियो ।

चौथो खेलमा भने ब्रैम्प्टन वुल्भ्ससँग हार व्यहोरेको थियो । शनिबार बेलुकाको टोरन्टो नेशनलसँगकै खेल भने वर्षाका कारण टस समेत नभई रोकिएको थियो । छैटौं खेलमा टोरन्टो नेशनललाई पराजित गरेको थियो । 

नाइट्स भने छैटौं खेलमा तेस्रो जितको खोजीमा रहेको छ ।

दीपेन्द्र आबद्ध टाईगर्समा कार्लोस ब्रेथवेट, क्रिस लिन, सकिब अल हसन लगायतका खेलाडी रहेका छन् । 

प्रतियोगितामा ६ टोलीको सहभागीता रहेको छ । प्रतियोगिताको फाइनल खेल अगस्ट ६ मा हुनेछ ।