दीपेन्द्रको टोली टोरन्टोविरुद्ध खेल्दै
काठमाडौं । ग्लोबल टी-ट्वान्टी क्यानडामा नेपालका अलराउन्डर दीपेन्द्रसिंह ऐरी आबद्ध मोन्ट्रियल टाईगर्सको छैटौं खेल सोमबार बिहान रहेको छ ।
छैटौं खेलमा टाईगर्सले टोरन्टो नेशनलसँग सोमबार नेपाली समय अनुसार बिहान सवा १ मा खेल्नेछ ।
पाँच खेलमा टाईगर्सले तीनमा जित दर्ता गरेको छ ।
पहिलो खेलमा सरे जगुआर्स र दोस्रो खेलमा मिसिसागा प्यानथर्सलाई पराजित गरेको थियो । तेस्रो खेलमा भैंकूवर नाइट्सलाई पराजित गरेको थियो ।
चौथो खेलमा भने ब्रैम्प्टन वुल्भ्ससँग हार व्यहोरेको थियो । शनिबार बेलुकाको टोरन्टो नेशनलसँगकै खेल भने वर्षाका कारण टस समेत नभई रोकिएको थियो ।
टोरन्टो भने पाँचौ खेलमा तेस्रो जितको खोजीमा रहेको छ ।
दीपेन्द्र आबद्ध टाईगर्समा कार्लोस ब्रेथवेट, क्रिस लिन, सकिब अल हसन लगायतका खेलाडी रहेका छन् ।
प्रतियोगितामा ६ टोलीको सहभागीता रहेको छ । प्रतियोगिताको फाइनल खेल अगस्ट ६ मा हुनेछ ।
