बारा जिल्ला फुटबल रेफ्री संघको अध्यक्षमा ईस्लाम

निजगढ । बारा जिल्ला फुटबल रेफ्री संघको अध्यक्षमा रियाजुल ईस्लाम चयन भएका छन् ।

 बुधबार जितपुर सिमरामा सम्पन्न संघको प्रथम अधिवेशनले ईस्लामको अध्यक्षतामा ११ सदस्य कार्यसमिति सर्वसम्मतले चयन गरेको हो ।

संघको उपाध्यक्षमा दधिर प्याकुरेल,महासचिवमा सियाराम कुमर,कोषाध्यक्षमा सानुमाया मगर र सदस्यहरुमा रोमन राम,राम अयोध्या चौधरी,सुदिप चौधरी,केदार ढकाल,निलकमल चौधरी,कुमार आचार्य र प्रवेश कुमार यादव चयन भएका छन् ।

अधिवेशनको बारा जिल्ला फुटबल संघका अध्यक्ष रामचन्द्र लामाले उद्घाटन गरेका थिए  ।