काजकस्तानलाई हराउँदै भारत च्याम्पियन  

काठमाडौं । भारतले एनएससी–काभा अन्तर्राष्ट्रिय महिला भलिबल प्रतियोगिताको उपाधि जितेको छ ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा आइतबार भएको फाइनमा काजकस्तानलाई ३-० को सेटमा हराउँदै भारत च्याम्पियन बनेको हो ।

उपाधि जित्ने क्रममा भारतले कजाकस्तानलाई २५-१५, २५-२२ र २५-१८ ले हराएको हो ।

प्रतियोगितामा नेपालले तेस्रो स्थान हासिल गर्यो ।

तेस्रो स्थानको लागि भएको खेलमा नेपालले उज्वेकिस्तानलाई ३-१ को सेटमा हराएको हो ।  

नेपाल भलिबल संघको आयोजनामा जारी प्रतियोगितामा ८ टोलीको सहभागिता रहेको थियो।

प्रतियोगितामा नेपाल, बंगलादेश, माल्दिभ्स, भारत, श्रीलंका, किर्गिस्तान, उज्वेकिस्तान र काजकस्तानको सहभागिता रहेको थियो ।