पोखरामा एसइइ कप फुटसल हुने 

कास्की । पोखरामा पहिलो संस्करणको एसईई कप फुटसल प्रतियोगिता हुने भएको छ । युनिक ब्रोदर युनाईटेडको आयोजनामा पोखरामा जेठ १५ र १६ गते एसईई कप फुटसल आयोजना हुने भएको हो । 

प्रतियोगिताको विजेताले ट्रफी, मेडल सहित २५ हजार रुपैयाँ प्राप्त गर्नेछ । उपविजेता टिमले १० हजार रुपैयाँ प्राप्त गर्ने आयोजकले जनाएको छ । प्रतियोगिताको सर्वोत्कृष्ट खेलाडीलाई ट्रफी सहित एक हजार रुपैयाँ प्रदान गरिने बताईएको छ ।

प्रतियोगितामा २०७९ सालमा एसइइ परिक्षा दिएका खेलाडी मात्र सहभागी हुन पाउने आयोजकले जनाएको छ । प्रतियोगितामा ३० बढी टिमको सहभागीता रहने बताईएको छ । 

पोखराको लामाचौरस्थित मुन फुटसलमा प्रतियोगिता सञ्चालन हुनेछ । 'स्पोर्टस फर हेल्थ' नाराका साथ आयोजित प्रतियोगितामा सहभागीताका लागि २ हजार ५ सय रुपैयाँ दर्ता शुल्क लाग्ने आयोजकले जनाएको छ । 

टिम दर्ताका लागि जेठ १४ गतेसम्मको मिति तोकिएको छ । प्रतियोगितालाई मुख्य प्रायोजकको रुपमा जिएण्डके इन्टरनेश्नल कन्सटलेन्सीले सहकार्य गरेको छ । 

नेपालको उमेर समूहको फुटबल-फुटसल क्षेत्रको विकासमा योगदान दिने उद्धेश्यले कार्यक्रमको आयोजना गरिएको युनिक ब्रदर्श युनाईटेडले जनाएको छ ।