काठमाडौं । नेपाल पनि सहभागी रहने आइसीसी एकदिवसीय विश्वकप छनोट प्रतियोगिताका लागि वेस्ट इन्डिजको टोली घोषणा भएको छ ।
शाई होपको कप्तानीमा १५ सदस्यीय टोलीको घोषणा भएको हो ।
विश्वकप छनोट यही जुन १८ देखि जुलाई ९ सम्म जिम्बावेमा हुदैछ ।
दश टोली सहभागी रहने यस प्रतियोगिताको शीर्ष दुई टोलीले आइसीसी विश्वकपमा स्थान बनाउने छन् ।
विश्वकप सुपर लिगमा पुछारको पाँचमा रहेका श्रीलंका,वेस्ट इन्डिज,जिम्बावे,आयल्यान्ड र नेदरल्यान्ड्सले विश्वकप छनोटमा स्थान पक्का गरेका छन् ।
१३ राष्ट्र सहभागी सुपर लिगबाट आयोजक भारत,पाकिस्तान,अस्ट्रेलिया,न्युजिल्यान्ड,बंगलादेश,दक्षिण अफ्रिका,इंग्ल्यान्ड र अफगानिस्तान सिधा विश्वकपका लागि छनोट भईसकेका छन् ।
विश्वकप छनोटमा लिग टू बाट नेपाल, स्कटल्यान्ड र ओमानले स्थान बनाएका छन् । गत महिना सम्पन्न ६ देश सम्मिलित विश्वकप प्लेअफ क्वालिफायरबाट अमेरिका र युएई शीर्ष दुईमा रहँदै विश्वकप छनोटमा पुगेका छन् ।
क्रिकेट विश्वकप छनोट खेल्ने १० टोली :
वेस्ट इन्डिज, श्रीलंका, जिम्बावे, आयरल्याण्ड, नेदरल्याण्ड्स, स्कटल्याण्ड, ओमान, नेपाल, अमेरिका, युएई
वेस्ट इन्डिजको टोली :
शाई होप (कप्तान),रोवम्यान पावेल (उपकप्तान),शमार ब्रूक्स,यानिक करियाह,केसी कार्टी,रोस्टन चेस,जेसन होल्डर,अल्जारी जोसेफ,अकिल हुसेन,ब्रैंडन किंग्स,काइल मेयर्स,गुडाकेश मोटाई,किमो पल,निकोलस पूरन,रोमारियो शेफर्ड
-1755401924.jpg)
