काठमाडौं । सूर्यकुमार यादव र नेहाल वादेराको सानदार साझेदारीमा मुम्बई इन्डियन्सले जारी इन्डियन प्रिमियर लिग (आइपीएल) मा रोयल च्यालेन्जर्स बेंगलोरलाई पराजित गरेको छ ।
घरेलु मैदान वांनखडे स्टेडियममा मुम्बईले बेंगलोरमाथी ६ विकेटको सानदार जित दर्ता गरेको हो ।
बेंगलोरले दिएको २ सय रनको लक्ष्य मुम्बईले १६ दशमलब ३ ओभरमा ४ विकेट गुमाएर पूरा गरेको हो ।
मुम्बईको जितमा सूर्यकमार यादव तथा निहाल वादेराले अर्धशतकीय ईनिङ्स खेले । सूर्यले ३५ बलमा ७ चौका र ६ छक्काको सहयोगमा ८३ रनको सानदार ईनिङ खेले ।
तेस्रो विकेटका लागि सूर्यले निहाल वादेरासँग मिलेर ६४ बलमा १ सय ४० रनको सानदार साझेदारी गरे । यही विष्फोटक साझेदारीले नै जितको आधार तय भयो ।
नेहालले ३४ बलमा ४ चौका र ३ छक्काको सहयोगमा अविजित ५२ रन बनाए ।
मुम्बईका लागि ओपनर इशान किशनले आक्रामक सुरुआत दिलाएका थिए । किशनले २१ बलमा ४ चौका र ४ छक्कासहित ४२ रन जोडे ।
किशनले अर्का ओपनर तथा टोलीका कप्तान रोहित शर्मासँग मिलेर पहिलो विकेटका लागि २८ बलमा ५१ रनको साझेदारी गर्दै जितको आधार तय गरेका थिए । कप्तान शर्माले ८ बलमा १ चौकाको सहयोगमा ७ रन बनाए ।
१७ औं ओभरको तेस्रो बलमा छक्का प्रहार गर्दै नेहालले जित पक्का गरे । क्यामरुन ग्रीन २ रनमा अविजित रहँदा टिम डेभिड शुन्य रनमा पेभिलियन फर्किए ।
बेंगलोरका लागि विजयकुमार बैशाख र वानिंदु हसरंगाले समान २/२ विकेट लिए ।
त्यसअघि टस हारेर पहिले ब्याटिङ गरेको बेंगलोरले निर्धारित २० ओभरमा ६ विकेट गुमाउँदै १ सय ९९ रन जोड्यो ।
कप्तान फाफ डु प्लेसिस र अलराउन्डर ग्लेन म्याक्सवेलले शतकीय साझेदारी गरेका थिए । उनीहरुले तेस्रो विकेटका लागि ६१ बलमा १ सय २० रनको साझेदारी गरेका थिए ।
कप्तान डु प्लेसिसले ४१ बलमा ५ चौका र ३ छक्काको सहयोगमा ६५ रनको अर्धशतकीय ईनिङ्स खेले । म्याक्सवेलले ३३ बलमा ८ चौका तथा ४ छक्काको सहयोगमा ६८ अर्धशतकी ईनिङ्स खेले ।
बेंगलोरको सुरुआत भने राम्रो हुन सकेन टोलीका मुख्य ब्याटर विराट कोहलीको पहिलो ओभरमा नै १ रनमा आउट भएका थिए । कोहलीलाई १ रनमै आउट गरेका जेसन बेह्रेनडर्फले अर्को ओभरमा अनुज रावतलाई पनि पेभेलियन फर्काए ।
दिनेश कार्तिकले १८ बलमा ४ चौका र १ छक्कासहित ३० रनको योगदान दिए ।
मुम्बईका लागि जेसन बेह्रेनडर्फले ३ तथा कुमार कार्तिके,क्रिस जोर्डन र क्यामरुन ग्रीनले समान १/१ विकेट लिए ।
यस जितसँगै ११ खेलमा ६ जित र ५ हारसँगै १० टोली सहभागी लिगमा मुम्बई १२ अंकका साथ तेस्रो स्थानमा उक्लिएको छ ।
बेंगलोर भने ११ खेलमा ५ जित र ६ हारका साथ अंक तालिकाको सातौं स्थानमा झरेको छ ।
-1755401924.jpg)
