आइपीएल - बेंगलोर र मुम्बई खेल्दै
काठमाडौं । भारतमा जारी इन्डियन प्रिमियर लिग(आइपीएल) मा आज मंगलबार एक खेल हुदैछ ।
मुम्बईको घरेलु मैदान वांनखडे क्रिकेट स्टेडियममा हुने खेल नेपाली समयअनुसार बेलुका पौने आठबाट हुनेछ ।
मुम्बई पछिल्लो खेलमा चेन्नाई सुपर किंग्ससँग पराजित गरेको थियो । मुम्बई दश खेलमा पाँच जित र पाँच हारका साथ आठौं स्थानमा रहेको छ ।
आजको खेल जितेर मुम्बई प्लेअफ सम्भावना बलियो बनाउँन चाहन्छ ।
बेंगलोरलाई पनि प्लेअफ सम्भावना बलियो बनाउन यस खेलमा जित आवश्यक रहेको छ । बेंगलोर दश खेलमा पाँच जित र पाँच हारका साथ अंक तालिकाको छैटौं स्थानमा रहेको छ ।
अघिल्लो खेलमा बेंगलोर दिल्ली क्यापिटल्ससँग पराजित भएको थियो ।
यि दुई टोलीबीचको पछिल्लो पाँच भेटमा बेंगलोर बलियो देखिएको छ । पाँच खेलमा चार पटक बेंगलोर तथा एकमा मुम्बई विजयी भएका छन् ।
यो सिजन दुई टोली दोस्रो पटक खेल्दै छन् । यस सिजन दुई टोलीबीचको पहिलो भेटमा बेंगलोर आठ विकेटले विजयी भएको थियो ।
