नेपाललाई दोहोरो रजत

काठमाडौं ।  नेपालले तेस्रो दक्षिण एसियाली सेपाकताक्रो प्रतियोगिताको पहिलो दिन २ रजत जितेको छ । नेपालले पुरुष महिला रेगु टिमले रजत हात पारेको हो ।

नेपाल सेपाकताक्रो संघद्वारा आयोजित प्रतियोगिताको पुरुषमा र महिला दुवैमा भारतले स्वर्ण हात पार्यो । दुवै समूहमा श्रीलंका र बंगलादेशले कांस्यमा चित्त बुझाए ।

प्रतियोगिताको युवा तथा खेलकुद मन्त्री जगतबहादुर सुनार (विश्वकर्मा) ले एक कार्यक्रमबीच उद्घाटन गरे । आइतबार सम्पन्न हुने प्रतियोगितामा ४ राष्ट्रय सहभागी छन् । नेपालले यो प्रतियोगिता आयोजना गरेको दोश्रो पटक हो । पहिलो संस्करण नेपालमै भएको थियो भने दोश्रो संस्करण श्रीलंकाले आयोजना गरेको थियो । प्रतियोगिताअन्तर्गत शनिबार कुनै खेल हुने छैन ।

सेपाकताक्रो संघका वरिष्ठ उपाध्यक्ष समेत रहेका राष्ट्रिय खेलकुद परिषद्का सदस्य–सचिव केशवकुमार विष्टले छिमेकी राष्ट्रबीचको भाइचारा सम्बन्धलाई अझ मजबुत बनाउन प्रतियोगिता महत्वपूर्ण सावित हुने धारणा व्यक्त गरे ।