विकासले लिगका बाँकी खेल गुमाउने  

काठमाडौं । त्रिभुवन आर्मी क्लबका डिफेन्डर विकास खवासले सहिद स्मारक 'ए' डिभिजन लिग फुटबलका बाँकी खेलहरु गुमाउने भएका छन् ।

घुँडाको चोटका कारण डिफेन्डर विकासले लिगका बाँकी खेल गुमाउने आर्मी क्लबले जनाएको छ ।

विकासले पहिलो लेगको १० औं चरणको खेल अन्तर्गत मनाङ मर्स्याङ्दी क्लबविरुद्धको खेलमा चोट बोकेका थिए ।

विकासको सोमबार घुँडाको सफल शल्यक्रिया भएको समेत आर्मी क्लबले जनाएको छ ।

विकासको चोटको बीएण्डबी अस्पतालमा सफल शल्यक्रिया भएको हो ।

लिगमा आर्मी १३ खेलमा २० अंक जोडेर पाँचौं स्थानमा रहेको छ ।