जैसवालको सानदार शतकमा मुम्बईलाई २१३ रनको लक्ष्य  

काठमाडौं । ओपनर यसश्वी जैसवालको सानदार शतकको सहयोगमा ईन्डियन प्रिमियर लिग(आईपीएल)को ईतिहासको एक हजारौं खेलमा मुम्बई ईन्डियन्सलाई २ सय १३ रनको लक्ष्य दिएको छ । 

मुम्बईको घरेलु मैदान वांनखडे स्टेडियममा टस जितेर पहिले ब्याटिङ गरेको राजस्थानले निर्धारित २० ओभरमा ७ विकेट गुमाएर २ सय १२ रन बनाएको थियो ।

राजस्थानका लागि ओपनर यसश्वी जैसवालले ६२ बलमा १६ चौका र ८ छक्काको सहयोगमा १ सय २४ रनको शतकीय ईनिङ खेले । जैसवालले ५३ बलमा १३ चौका र ६ छक्काको सहयोगमा आफ्नो शतक पूरा गरेका थिए । आईपीएलमा उनको यो पहिलो शतक हो । 

कप्तान सन्जु सामसनले १० बलमा १४ रन बनाए । ओपनर जस बटलरले १९ बलमा २ चौका र १ छक्काको सहयोगमा १८ रन बनाए । जेसन होल्डरले ९ बलमा ११ रन बनाए । 

एकतर्फबाट जैसवाल जमेर खेले पनि राजस्थानका अन्य खेलाडीले राम्रो प्रदर्शन गर्न सकेनन् । राजस्थानले अन्तिम ५ ओभरमा ३ विकेट गुमाएर ६९ रन बनाएको थियो । 

मुम्बईका लागि अर्शद खानले ३ तथा पियुष चावलाले २ विकेट लिए । रिलि मेरिडेथ र जोफ्रा आर्चरले समान १/१ विकेट लिए ।