संकटा र जावलाखेलबीचको खेल स्थगित, बाँकी खेल भोलि

काठमाडौं । सहिद स्मारक 'ए' डिभिजन लिग फुटबल अन्तर्गत  संकटा क्लब र जावलाखेल युथ क्लबबीचको खेल स्थगित भएको छ ।

च्यासल खेल मैदानमा जारी खेल भारी वर्षा र चट्याङको कारण स्थगित भएको हो ।

अखिल नेपाल फुटबल संघ (एन्फा) ले संकटा र जावलाखेलबीचको बाँकी समयको खेल आइतबार हुने जनाएको छ । खेल दिउँसो साढे १ बजे एन्फा कप्लेक्समा सुरु हुनेछ ।

संकटाविरुद्ध जावलाखेल १-० ले अघि रहेको छ । यस खेल ५१ औं मिनेटमा रोकिएको थियो।

फोडे फोफानाले ३३ औं मिनेटमा गोल गर्दै जावलाखेललाई अग्रता दिलाएका थिए  ।