नेपालको मध्यम सुरुआत 

काठमाडौं । राजधानीमा जारी रहेको एसीसी प्रिमियर कपको पहिलो सेमिफाइनल खेलमा नेपालले मध्यम सुरुआत गरेको छ । 

पहिलो सेमिफाइनल खेलमा कुवेत विरुद्ध टस हारेर ब्याटिङ गरिरहेको नेपालले २० ओभरको समाप्तीमा १ सय २३ रन बनाउँदा ३ विकेट गुमाएको छ । 

नेपालका लागि ओपनर कुशल भुर्तेलले ३९ बलमा ४३ रन बनाएर आउट भए । अर्का ओपनर आसिफ शेखले २८ बलमा ३१ रन बनाए । भीम सार्की १ रनमा आउट भएका थिए । 

क्रिजमा अहिले कप्तान रोहित पौडेल र कुशल मल्ल रहेका छन् । कप्तान पौडेल २३ रनमा र मल्ल २२ रनमा अविजित रहेका छन् ।